”Kitobxonlik madaniyatini oshirish kuni” mavzusida davra suhbati tashkil qilindi.

---

Joriy yilning 9-iyul kuni Paxtakor tumani axborot-kutubxona markazida ”Kitobxonlik madaniyatini oshirish kuni” mavzusida davra suhbati tashkil qilindi. Davra suhbatining asosiy maqsadi yosh avlodda kitob o‘qishga bo‘lgan qiziqishni oshirish, mutolaa madaniyatini shakllantirish hamda kitobning inson kamolotidagi o‘rni haqida tushuncha berishdan iborat bo‘ldi. Davra suhbati davomida kutubxona mutaxassisi tomonidan kitob mutolaasining foydasi, kitobni asrab-avaylash qoidalari hamda muntazam o‘qishning ahamiyati haqida batafsil ma'lumot berildi. Ishtirokchilarga mutolaa odoblari, kitob tanlash mezonlari va muntazam o'qishning afzalliklari haqida tavsiyalar berildi. Bolalar o‘zlari sevib o‘qigan kitoblari haqida fikr almashdilar, qiziqarli savol-javoblarda faol ishtirok etdilar. Davra suhbatida kitoblar ko’rgazmasi tashkil qilindi. Davra suhbatida 18 nafar ishtirokchi ishtirok etdi.